பிறர் சொற்கூட்டுள் புகுந்து ....!
&
பிறர் சொற்கூட்டுள் புகுந்து
அவர் லஹரி[அலைகள்] மிதந்து
எனைக் கடந்து இறைவா !
உனை அடையும் ஆசை எனக்கில்லை --
என் படகு எளிமைதான் -
என் வார்த்தை கொச்சைதான்
என் வியர்வையில் நனைந்ததே-
என் பாடல் என் நெய்தலே !
என் படகில் நீ ஏறி வா -
உன் பாதி பெண்மையே
என் பாதி ஆண்மையே !
என் இல்லம் தாழ் குடிசைதனில்
நான் காதல் செய்வேன்--
உனை கடந்து என் உள் நடக்க
நீ விரும்பி வா !
-------சந்திர கலாதர் -----
-------சந்திர கலாதர் -----
No comments:
Post a Comment