on a black steam train of olden days

குக்கூ குக்கூ ரயில் ....

&

[பழங்காலத்து கறுப்பு எஞ்சின் ரயில் ]

&

' குக்கூ குக்கூ ' ரயில்

புகையைக் கக்கும் ரயில் !

' ஜிகுஜிகு ' ' ஜிகுஜிகு ' ரயில்

சீறிவரும் ரயில் --

' கடக் கடக் ' ரயில்

ஆயிரம் சக்கர ரயில் --

தண்டவாளம் இரண்டில்

' கடக் சடக் ' ரயில் --

ஆற்றுப் பாலம் மேலே

' லொடக் கொடக் ' ரயில்--

பாதை மாறும்போது

' கீச்சுக் கீச்சு ' ரயில் --

யானைபோல எஞ்சின்

சூரியன் போலக் கண்ணு -

' புஸ்ஸு புஸ்ஸு ' மூச்சு

' கிச்சு கிச்சு ' எச்சில் --

அரக்கன்போலப் பசி

ஊட்ட ஊட்டத் தின்னும்--

பேயைப்போலத் தாகம்

ஊத்த ஊத்தக் குடிக்கும் --

பாம்புபோல உடம்பு

வயிறு முழுக்கத் தீனி -

நெளிந்து வளைந்து ஓட்டம்

இப்படி அப்படி ஆட்டம் -

பச்சை நிறம் பார்த்தால்

பாய்ந்து செல்லும் ரயில் -

சிவப்பு நிறம் பார்த்தால்

பயந்து நிற்கும் ரயில் -

ஊர் ஊராய் ஊர்ந்து

உள்ளங்களைச் சேர்க்கும் -

மழை வெயில் பாராது

இராப் பகலா ஓடும் !

&

---சந்திர கலாதர்