21, May , 1991 , A Cruel Night..

1991,மே  21.

இரவு..

கொடும் விதி எவ்வளவோ தடைகளைச்  மீறிச் சமாளித்து   

நாட்டின் பெருமகன் இளைஞன் ராஜீவை

திருபெரும்பூதூரின் இருட்டு மூலைக்கு இழுத்து வந்தது --

பொய்யாய்ப் புன்னகைத்துப்
 பூ ஆரம் சூடுவதாய்ப் பெண்ணிடைப் பேய்  

 ஒன்றையும் நிறுத்தி   வைத்தது--

வஞ்சக நெஞ்சங்கள் பார்வைப் பின்னல்களை இறுக்கமாய்ப் பின்னிடவும் வைத்தது --

கொடிய நொடியில், வெடியின் துடிப்பில் 

இளைய ஞாயிறு  ஒன்று இருளில் சுக்கல் சுக்கலானது --

இருள் ரத்தத்தால் சிவந்தது -

இந்தியாவின் கண்ணீர்த் துளிபோலும் 

இலங்கை கண்களைக் குத்தி விட்டதே !

தமிழே ! உனக்கேன் இந்த இழிவு ?

நம்பத்தான் முடிகிறதா ?

கொடுமையை ஏற்கத்தான் துணிகிறதா மனம் ?

அந்நிலையில்.... 

              

               &

ஓர் அழகிய இளைஞனின் 

அற்புத வாழ்வை 

அரைகுறை ஆக்கி விட்டார்;

தன் அகம் தமிழகம் என 

நெஞ்சகம் நம்பி

அன்பகம் காட்டி 

அருட்கை வேண்டிய 

புன்னகைப் பறவையைத்

தாய்க்குலம் ஒன்று

பூக்குலம்  தருவதாய்ச்

சீழ்க் குணம் கொண்டு

பெற்றதாய் சிலைமுன்பு 

உயிரைக் குடித்ததம்மா !

ஒ..! இது

ஆண்மை இழந்த

அதமப் புலிகளின்

அற்பச் செயலம்மா..

தமிழே தலை தாழ்ந்ததம்மா....!

-----சந்திர கலாதர்